1997 މިނިސްޓަރ އޮފް އެޓޯލްސް އެޑްމިނިސްޓްރޭޝަން އަލްމަރްޙޫމް އޮންރަބަލް އަލްއުސްތާޛު ޢަބްދުﷲ ޙަމީދު ގުރައިދޫއަށް ވަޑައިގަތުން

2023-11-07

1997 ވަނަ އަހަރުގެ ތެރޭގައި އޭރު މިނިސްޓަރ އޮފް އެޓޯލްސް އެޑްމިނިސްޓޭޝަން އަލްމަރްޙޫމް އަލްއުސްތާޛު ޢަބްދުﷲ ޙަމީދު ގުރައިދޫ އަށް ވަޑައިގަންނަވާފައިވެއެވެ. އެ މަނިކުފާނު އެފަހަރު ގުރައިދޫ އަށް ވަޑައިގަންނަވާފައިވަނީ މިރަށުގައި ހުންނަ ޚާއްޞަ އެހީއަށް ބޭނުންވާ މަރްކަޒަށެވެ. އެމަނިކުފާނުގެ އަރިހުގައި އެޓޯލްސް މިނިސްޓްރީގެ އިސްވެރިން ވަޑައިގަންނަވާފައިވާއިރު މަރުޙަބާ ދެންނެވުމަށް އޭރުގެ މާލެއަތޮޅު އަތޮޅުވެރިޔާ އަލްފާޟިލް މުޙައްމަދު އާދަމްގެ އިތުރުން ޚާއްޞަ އެހީއަށް ބޭނުންވާ މަރްކަޒްގެ ޑައިރެކްޓަރ އަލްމަރްޙޫމް ޙުސައިން އަޙްމަދު ދީދި (މާވާގޭ ޙުސެންދީ) އާއި، އެމަރްކަޒްގެ އިސްވެރިންނާ، ގުރައިދޫ ކަތީބު އަލްފާޟިލް ޢަބްދުލް ހާދީ ޙުސައިން އާއި ރަށުގެ އެކިއެކި އޮފީސްތަކުގެ އިސްވެރިންނާ، ރަށުގެ ރކ. ކޮމިޓީގެ މެމްބަރުންނާ، އަންހެނުން ކޮމިޓީގެ މެމްބަރުންގެ އިތުރުން ރަށުގެ ކަމުވޮށިވެގެންވާ ފަރާތްތަކާއި ގިނަ ޢަދަދެއްގެ ރައްޔިތުންނާ، މަދަރުސާގެ ދަރިވަރުން ބައިވެރިވެލައްވާ ހޫނު މަރުޙަބާ އެއް ކިޔާފައިވާ ކަން ފާހަގަކޮށްލެވެއެވެ. މީގެ އިތުރުން މިނިސްޓަރ ޚާއްޞަ އެހީ މަރްކަޒްގެ ދޮރުމަތީ ހުންނަވާ ރައްޔިތުންނާ މުޚާތަބުކޮށް ވާހަކަދައްކާފައިވެއެވެ.