އަންހެނުންގެ ތަރައްޤީއަށް މަސައްކަތް ކުރާ ކޮމިޓީ ހުވާކުރުން - 2019

2023-11-08

2019 ވަނަ އަހަރާ ހަމައަށް އޮތް އތމ. ކޮމިޓީގެ ދައުރު ނިމުމާއެކު އައު ކޮމިޓީ ހުވާ ކުރުމުގެ ރަސްމިއްޔާތު ވަރަށް ކުލަގަދަ ގޮތެއްގައި ކައުންސިލް އިދާރާގެ ގޯތި ތެރޭގައި 17 ޖެނުއަރީ 2019 ވަނަ ދުވަހުރޭ 21:00 ގައި ބޭއްވުނެވެ. މި ހުވާގެ ދަރުބާރުގައި އަލަށް ހޮވި ވަޑައިގެންނެވި މެމްބަރުންނަށް ހުވާ ލައްވާ ދެއްވީ ކުރީގެ މެޖިސްޓްރޭޓް އަލްމަރްޙޫމް އުސްތާޛު މުޙައްމަދު މޫސާ އެވެ. 

މިރަސްމިއްޔާތައް ދައުލަތުގެ އިސްވެރިންނާ އެހެނިހެން އިސްފަރާތްތަކަށް ދަޢްވަތު ދެވިފައިވެއެވެ. މިރަސްމިޔާތު ހުށަހަޅުއްވާ ދެއްވީ އިދާރާގެ ސީނިޔަރ ފައިނޭންސް އޮފިސަރ ފާޠިމަތު ސަނިއްޔާ އެވެ. މީގެ އިތުރުން އަލަށް ހޮވުނު މެމްބަރުންނަށް މަރުޙަބާ ދަންނަވާ ރައީސް ޙުސައިން ޔާމީން މުޙައްމަދު ވާހަކަ ފުޅު ދައްކަވާފައިވެއެވެ

މި ފަހަރު ކޮމިޓީއަށް ހޮވިވަޑައިގެން ހުވާ ކުރައްވާފައިވަނީ އަލްފާޟިލާ ޝަފީޤާ ޢަލީ އާއި، އަލްފާޟީލާ ފާޠިމަތު ޒިރުފާ އާއި އަލްފާޟިލާ ޝާރުދާ އާދަމާއި، އަލްފާޟިލާ ޢާއިޝަތު ފަޒީނާއާއި، އަލްފާޟިލާ އާމިނަތު ނަޒްމާ އެވެ. މިދައުރުގެ މި ކޮމިޓީގެ ރައީސަކީ ޝަފީޤާ ޢަލީ އެވެ. ނައިބުރައީސަކީ އާމިނަތު ނަޒުމާ އެވެ.