ކ. ގުރައިދޫ ކައުންސިލުން ރައްޔިތުންނާ ބައްދަލް ކުރުން 2023 ނޮވެމަބަރ 12 (ބިނާވެށި ޕްލޭނަށް ބަދަލް ގެނައުން)
2023-11-13
ކ. ގުރައިދޫގައި 2020 ވަނަ އަހަރު އަލަށް ހިއްކި ބިމުން ގޯތި ދޫކުރުމަށް މިކައުންސިލުން ކުރާ މަސައްކަތުގެ ތެރެއިން މިހާރު ހެދިފައިވާ ލޭންޑް ޔޫސްޕްލޭނަށް ބަދަލް ގެނައުމާ ގުޅޭގޮތުން ރައްޔިތުންގެ ޚިޔާލް ހޯދުމަށް ބައްދަލްވުމެއް
12 ނޮވެމްބަރ 2023 ވަނަ ދުހުގެރޭގަޑު 20:45 ގައި ކައުންސިލް އިދާރާގެ މީޓިންގ ރޫމްގައި ކުރިޔަށް ގެންދެވުނެވެ. މި ބައްދަލްވުން ފެއްޓެވުމުގެ ވާހަކަދެއްކެވީ ކައުންސިލްއިދާރާގެ އ. ކައުންސިލް އެގްޒެކްޓިވް ޙުސައިން ޞަބާޙް އާއި،
ކައުންސިްގެ ނައިބުރައީސް އިބްރާހިމް ޝަލީޒް އެވެ.
އެއަށްފަހު ރައްޔިތުންގެ ޚިޔާލް އަދި ވޯޓަށް އަހަން ހުރި ކަންކަން ޙިއްސާކުރެވުނެވެ. މިގޮތުން:
މިހާރު ގޯތިދޫކުރުމަށް ނެގިފައިވާ ނުވަތަ އިދާރާއަށް ހުށަހަޅާފައިވާ 600 އެއްހާ ފޯމް ތައް ބާޠިލްކޮށް އަލުން ފޯމްލާނީތޯ ނުވަތަ މިފޯމްތަކާއެކު ކުރިޔަށް ދާނީތޯ ރައްޔިތުންނަށް ހުށަހެޅުމާއެކު މިހާރުވެސް ނަގާފައިވާ ފޯމްތަކާއެކު ކުރިޔަށް ދިޔުމަށް
ފާސްވެގެން ދިޔައެވެ.
ކުރިން ގޯތި ދޫކުރުމަށް ފާސްކުރެވިފައިވާ އުޞޫލުން އުނިކޮށްފައިވާ އެ އުޞޫލްގެ 7 ވަނަ މާއްދާގައިވާ "ޕޮއިންޓް އުނިކުރުން" މި ބައިތައް އަލުން އުޞޫލަށް ލާ އުޞޫލް ފާސްކުރުމަށް ފެންނަ ގޮތަކީ ކޮބައިތޯ ބެލުނެވެ. މިގޮތުން
މި ބައްދަލުވުމަށް ވަޑައިގެންނެވި ރައްޔިތުންގެ އަޣުލަބިއްޔަތުން އަލުން މިބައި އުޞޫލަށް ލުމަށް ފާސްވިއެވެ.
އަދި ކުރީގެ އުޞޫލުން އުނިކުރި "ގޯތި ލިބޭގޮތް" މިބައިވެސް އަލުން އުޞޫލަށް ލުމަށް އެހުމާއެކު އެގޮތަށް އަޣުލަބިއްޔަތުން
ފާސްވެގެން ދިޔައެވެ.
