ރައީސުލްޖުމްހޫރިއްޔާގެ ނައިބު ފައިޞަލް ނަސީމް، ކ. ގުރައިދޫއަށް ވަޑައިގަތުން 12 ނޮވެމްބަރ 2023
2023-11-15
ރައީސުލްޖުމްހޫރިއްޔާގެ
ނައިބު ފައިޞަލް ނަސީމް، ކ. ގުރައިދޫގައި ހުންނަ ޚާއްޞަ އެހީއަށް ބޭނުންވާ
މީހުންގެ މަރުކަޒަށް ޒިޔާރަތްކުރައްވައި އެތަނުގެ އިސްވެރިންނާ ބައްދަލުކުރައްވައި
މަޝްވަރާކުރައްވައިފިއެވެ.
އެމަނިކުފާނުގެ
މި ޒިޔާރަތަކީ ޚާއްޞަ އެހީއަށް ބޭނުންވާ މަރުކަޒުގައި ތިބޭ މީހުންގެ ހާލު
ބައްލަވައިލެއްވުމަށާއި، އެ މުއައްސަސާގެ އިސްވެރިން ކުރައްވަމުން އަންނަ
މަސައްކަތްތައް ފާހަގަކޮށް ޝުކުރު އަދާކުރެއްވުމަށް ކުރެއްވި ޒިޔާރަތެކެވެ.
އެގޮތުން އެމަނިކުފާނު ވަނީ އެމަރުކަޒުގެ އިސްވެރިންނާ ބައްދަލުކުރައްވައި
އެމަރުކަޒުގެ ޚިދުމަތްތައް ފޯރުކޮށްދިނުމުގައި އެބޭފުޅުން ކުރައްވަމުންގެންދަވާ
ބުރަ މަސައްކަތް ޝުކުރުވެރިކަމާއެކު ފާހަގަކުރައްވައި ކުރިޔަށް އޮތްތަނުގައިވެސް
ވީހާވެސް ރަނގަޅަށް މަސައްކަތްތައް ކުރިޔަށް ގެންގޮސްދެއްވުމަށް
އެދިވަޑައިގަންނަވާފައެވެ.
އެމަނިކުފާނަށް
މަރްޙަބާ ދެންނެވުމުގެ ގޮތުން ގުރައިދޫކައުންސިލްގެ ރައީސް އަލްފާޟިލް ޙުސައިން
ޔާމީން މުޙައްމަދާއި، ކައުންސިލް މެމްބަރުން އަދި ޚާއްޞާ އެހީދެއްވާ މަރްކަޒްގެ
އިސްވެރިންގެ އިތުރުން އިދާރާތަކުގެ އިސްވެރިންނާ ކައުންސިލް އިދާރާގެ
މުވައްޒަފުން ބައިވެރިވެލެއްވިއެވެ. އަދި އެންމެ ފުރަތަމަ ކައުންސިލް އިދާރާއަށް
ވަޑައިގެން އިދާރާގެ މީޓިންގ ރޫމްގައި ކައުންސިލާ އަދި މަރްކަޒްގެ އިސްވެރިންނާ،
އިދާރާތަކުގެ އިސްވެރިންނާ ބައްދަލްކުރައްވާ ވާހަކަފުޅު ދައްކަފާފައިވެއެވެ.
