ކ. ގުރައިދޫ 4 ވަނަ ދައުރުގެ ކައުންސިލް (17 މެއި 2021)

2024-01-17

ކ. ގުރައިދޫ ކައުންސިލްގެ 4 ވަނަ ދައުރަށް އިންތިޚާބުވެ ވަޑައިގެންނެވި ކައުންސިލް މެމްބަރުން ހުވާކުރުމުގެ ދަރުބާރު ކޮވިޑް 19 ގެ ސަބަބުން މުޅިރަށް ފުރަބަންދު ވެ ލޮކްޑައުންވެފައިވުމުގެ ސަބަބުން އޮންލައިންކޮށް ކުރި ނަމަވެސް ޙާލަތު ކޮންމެވެސް ވަރަކަށް  ރަގަޅުވުމާއެކު ފޮޓޯނެގުމުގެ ސެޝަންތަކާއި ނައިބުރައީސް ހޮވުމުގެ ޖަލްސާ ކުރިޔަށް ގެންދެވިފައިވެއެވެ.

މި ޖަލްސާގެ ރިއާސަތު ބަލަހައްޓާފައިވަނީ ކައުންސިލް ބިއުރޯގެ ފަރާތުން އޭރުގެ ޒިންމާދާރު ވެރިޔާ އަދި އެސިސްޓެންޓް ޑިރެކްޓަރ އަލްފާޟިލް ޙުސައިން ޞަބާޙް އެވެ.  މި ފޮޓޯ ސެޝަންއޮތީ ކައުންސިލް އިދާރާގެ މުޙައްމަދު މޫސާ ފަހިވެނި މީޓިންގ ރޫމްގައެވެ. މި ސެޝަންގައި ކައުންސިލް މެމްބަރުންގެ ޢާއިލާގެ ބޭފުޅުންނާ، ރަށުގެ ރައްޔިތުންނަށް ފޮޓޯ ނެގުމަށް ފުރުޞަތު ހުޅުވާލެވިފައިވއެވެ. 

4  ވަނ ަދައުރުގެ ކައުންސިލްގެ ރައީސް އަކީ ކުރީ ދައުރުގެ ވެސް ރައީސް އަލްފާޟިލް ޙުސައިން ޔާމީން މުޙައްމަދެވެ. ނައިބުރައީސަކީ އަލްފާޟިލް އިބްރާހިމް ޝަލީޒް އެވެ. މެމްބަރުންގެ ގޮތުގައި ތިއްބެވީ އަލްފާޟިލް ޙުސައިން ނިހާލް އާއި، އަލްފާޟިލާ ފާޠިމަތު ޒިރުފާ އާއި އަލްއުސްތާޛާ އާމިނަތު ނަދާ ޢާޒިމްއެވެ. 

4  ވަނަ ކައުންސިލާއެކު އަންހެނުންގެ ތަރައްޤީއަށް މަސައްކަތްކުރާ ކޮމިޓީވެސް އައްޔަންކުރެވި ނައިބުރައީސް ހޮވިފައިވެއެވެ.