1445 އަލްޙާޢީދު ފާހަގަކުރުން (މަސްރޭސް އަދި ބާބެކިޔު، ޢީދު ޝޯވ) 17 ޖޫން 2024)

2024-07-14

1445 ވަނަ އަހަރުގެ އަލްޙާޢީދު ފާހަގަކުރުމުގެ ގޮތުން މިކައުންސިލާ އަންހެނުންގެ ކޮމިޓީއާއި ޒުވާނުން އަދި މަސްވެރިން ގުޅިގެން ވަރަށް ފޯރިގަދަ މަސްރޭހެއް މިއަދު ބާއްވާފައިވެއެވެ.  މި މަސްރޭހަށް ބޮޑު ތަރުޙީބެއް ލިބި 18 ޓީމް ބައިވެރިވެފައިވެއެވެ. މަސްރޭހަށް މަސްވެރިން ފުރާގަފައިވަނީ ހަވީރު 4:05 ހާއިރު އެވެ. އަދި އެބުރި 20:30 ހަށް ހުރިހާ މަސްވެރިންވެސް ރަށަށް އައިސްފައިވެއެވެ. ޓީމްތައް ރަށަށް އައުމާއެކު ވަގުތުން މަސްތައް ކިރާ ނަތީޖާ އިޢްލާން ކުރެވެމުން ދިޔައެވެ. މި މަސްރޭހުގައި އެންމެ ގިނމަސްބޭނި ޓީމާއި، އެންމެ ބަރު މަސްބޭނި ޓީމު ހޮވާ ފައިސާގެ އިނާމު ދެވިފައިވެއެވެ. 

މިއަށްފަހު ރަށުގެ އިރުމަތީ ހެދިފައިވާ ސްޓޭޖް ސަރަޙައްދުގައި ބާބެކިޔު ހެދުމުގެ މުބާރާތެއްވެސް ކުރިޔަށް ގެންދެވުނެވެ. މިގޮތުން މި 18 ޓީމްވެސް ބާބެކިޔުގައި ބައިވެރިވެފައިވެއެވެ. އަދި ހަމަ މިރޭ ބާބެކިޔުގެ ނަތީޖާވެސް އިޢްލާން ކުރެވި ފައިސާ ގެ އިނާމުތައް ދެވުނެވެ. މަސްރޭހާ ބާބެކިޔުގައި ބައިވެރިވާ ކޮންމެ ޓީމަކަށްވެސް ފައިސާގެ އިނާމު ކައުންސިލާ ކޮމިޓީން ދެއްވާފައިވެއެވެ. އަދި ހަމަ މިއާއެކު ސްޓޭޖް ޝޯގެ އައިޓަމްތައްވެސް ކުރިޔަށް މިތާގައި ދިޔައެވެ. މިގޮތުން މި ޝޯވގައި ކުރީގެ މަޝްހޫރުވި ލަވަކިޔުންތެރިޔާ ފައްތޭ މެހެމާނެއްގެ ގޮތުގައި ބައިވެރިވެފައި ވެއެވެ.