މިބައްދަލުވުމުގައި 2024 ވަނަ އަހަރުގެ 6 މަސް ދުވަހުގެ ރިޕޯޓު އަދި ޚަރަދު ރިޕޯޓް ، 2025 ވަނަ އަހަރު މިކައުންސިލުން ހިންގުމަށް ރޭވިފައިވާ ޚަރަކާތްތައް އަދި ގޯތި ދޫކުރުމުގެ ކަންކަން ވިލަރެސް ކުރާ ކޮމިޓީގެ ނިންމުންތައް ވަނީ ހިއްސާކުރެވިފައެވެ. އަދި ގޯތި ދޫކުރުމާ ބެހޭގޮތުން ކުރިން ހެދިފައިވާ އުޞޫލަށް މިހާރު ގެނވިފައިވާ އިޞްލާޙްތައް ފާސްކުރެވި ޙިއްސާކުރެވުނެވެ. މި އިޞްލާޙް ތަކުގައި ވާ މުހިންމު ކަންކަމަށް ބަލާއިރު އަލުން ފޯމް ހުށަހެޅުމަށް ވަގުތު ދިނުމާއި، މިހާރު ހުށަހަޅާފައިވާ ފޯމު ތަކަށް ބޭނުންވާ އިތުރު ޑޮކިޔުމެންޓް ހުށަހެޅުމުގެ ފުރުޞަތު އޮތްކަން ފާހަގަކޮށްލަމެވެ. އަދި ކުރިޔަށް އޮތް 3 މަހެއްް ހާދުވަސްތެރޭގައި ގޯތި ދޫކުރުމަށް ކައުންސިލިލުން މަސައްކަތްކުރަމުން ކަންވެސް ހިއްސާކުރެވުނެވެ.

މިއަށްފަހު ބައްދަލްވުމަށް ވަޑައިގެން ތިއްބެވި ބޭފުޅުންނަށް ސުވާލްކުރުމުގެ ފުރުޞަތު ހުޅުވާލެވުނެވެ. މިގޮތުން ރައްޔިތުންގެ ފަރާތުން މައިގަނޑު ގޮތެއްގައި ހުށަހަޅާފައިވާ ސުވާލަކީ މިހާރު ގުރައިދޫގެ ރައްޔިތުން އަދި މިކައުންސިލުންވެސް ވަރަށް ކަންބޮޑުވެފައިވާ ރަށުކައިރިން ބިންހިއްކުމަށް ކޮންނަ ބޯޓަކުން ވެލިގަނަމުންދާ މަސްއަލަ އާއި ބެހޭގޮތުންނާއި، އިތުރަށް ގުރައިދޫގެ ބިންހިއްކާ އިރަކާއި ބެހޭގޮތުންނެވެ.

މިސުވާލުތަކަށް ކައުންސިލްގެ ފަރާތުން ރައީސް ޙުސައިން ޔާމީން މުޙައްމަދު ޖަވާބުދާރީ ވެލައްވާފައިވެއެވެ. މިގޮތުން ގުރައިދޫ ކައިރިން ކޮންނަ ބޯޓަކުން ވެލި ނަގަމުންދަނީ މި ސަރަޙައްދުން ސަރުކާރުން ރިސޯޓް ހެދުމަށް ދެއްވާފައިވާ ފަޅުތައް ހިއްކުމަށް ކަމަށާ، މިކަމަށް އީއައިއޭ ހަދާ އަތޮޅު ކައުންސިލުންވެސް ހއްދަ ދެއްވާފައިވާކަމަށާ،ނަމަވެސް މިކައުންސިލާއެކު ފައިނަލް މީޓިން ބާއްވާފައި ނުވާކަމަށާ، އެބައްދަލްވުމަށް މި ކައުންސިލް ބައިވެރިކޮށްފައި ނުވަނީ ކީއްވެގެންތޯ އަތޮޅުކައުންސިލުން މިދަނީ ބަލަމުންކަމަށް ވިދާޅުވިއެވެ. އަދި މިހާރު ހިނގަމުންދާ ކަންކަމާބެހޭ މަޢްލޫމާތާއި، މިކަން ހުއްޓާލުމަށް ބިންހިއްކާ ފަރާތާ ، ސަރުކާރުގެ ކަމާ ގުޅުން ހުރި އިދާރާތަކަށް އަންގާފައިވާނެކަމަށާ، މިގޮތުން މިހާރު ޓޫރިޒަމް މިނިސްޓަރާ، ފިޝަރީޒްމިނިސްޓަރާވެސް މިކަން ހިއްސާކޮށް އިޕީއޭ އަށްވެސް އަންގާފައިވާނެކަމަށާ، މީގެ އިތުރުން މިކަން ކުށްވެރިކޮށް ޤަރާރެއްވެސް ނެރެފައިވާ ކަމަށް ވިދާޅުވިއެވެ.

އަދި ގުރައިދޫގެ ބިން ދެން ހިއްކާގޮތާ ބެހޭ މަޢްލޫމާތުވެސް ރައީސް ދެއްވިއެވެ. އެ ގޮތުން ގުރައިދޫގެ ބިން ހިއްކުމުގެ 2 ވަނަ ފިޔަވައްސަކީ ރައީސް ސުލްޖުމްހޫރިއްޔާ މުޙައްމަދު މުޢިއްޒުގެ ވަޢުދުފުޅެއްކަމަށާ، މިއަހަރު ނޫނީ 2025 ވަނަ އަހަރު ބިންހިއްކަން ފާށާގޮތަށް މަޝްވަރާ ކުރެވިފައިވާ ކަމަށް ވިދާޅުވިއެވެ.

މި ބައްދަކްވުމުގައި ކައުންސިލްގެ ރައީސްގެ އިތުރުން ނައިބުރައީސް އިބްރާހިމް ޝަލީޒް އާއި، އެސްޖީ މުޙައްމަދު ފަވާޒް ގެއިތުރުން އިދާރީ މުވައްޒަފުން ބައިވެރިވެލެއްވިއެވެ. މި ބައްދަލްވުމުގައި ކަންކަން ހުށަހަޅާދެއް ޕްރެޒެންޓް ކޮށްދެއްވީ ކައުންސިލް އޮފިސަރ ޠަޢުމާ ޢަބްދުﷲ އެވެ.