މާލެއަތޮޅު އަތޮޅު ކައުންސިލްގެ 13 ވަނަ ޤުރުއާން މުބާރާތް - ކ. މާފުށި 2024
2024-09-09
މާލެއަތޮޅު އަތޮޅު ކައުންސުލްގެ 13 ވަނަ ޤުރުއާން މުބާރާތް 2024 އޯގަސްޓްމަހުގެ 28 ން 31 އަށް މާލެއަތޮޅު މާފުށީގައި ވަނީ ބާއްވާފައެވެ. މި ފަހަރުގެ މުބާރާތުގައިވެސް މާލެއަތޮޅުގެ 9 ރަށުން ބައިވެރި ވެފައިވެއެވެ.
މި މުބާރާތަށް މާފުށިވަނީ ވަރަށް ބޮޑަށް ތައްޔާރުވެފައެވެ. މި މުބާރާތުގައި ގުރައިދޫ އިން ދަރިވަރުން ބައިވެރިވެ އެކަށީގެންވާ ނަތީޖާއެއް އެކިއެކި ޢުމުރުފުރާތަކުން ހޯދި އިރު މުޅި އަތޮޅުން 2 ވަނައަށް ގުރައދޫވަނީ ހޮވިފައެވެ. މުބާރާތުގެ ފަޚުރުވެރި 1 ވަނަ ހޯދާފައިވަނީ މުބާރާތް ބޭއްވި ކ. މާފުށިންނެވެ.
މުބާރާތަށް މިރަށުގެ ދަރިވަރުން ތައްާރުވުމާއި ދަރިވަރުން ތައްޔާރުވުމުގައި ގުރައިދޫ ސްކޫލްއިން ވަރަށް ބުރަކޮށް މަސައްކަތްކޮށްފައިވެއެވެ. އަދި މިބާރާތައް ދަރިވަރުން ދިޔުމުގެ ކުރިން އަދި ފަހުންވެސް ދަރިވަރުންނާ ކައުންސިލުން ބައްދަލްކޮށް ހިތްވަރު ދެއްވާ މަރްހަބާ ކިޔާފައިވެއެވެ. ދަރިވަރުން މާފުއްށް ގޮސްފައިވަނީ ކަނޑޫމާ ރިސޯޓުގެ އެހީތެރިކަމާއެކުގައެވެ. ދަރިވަރުން ހޯދި ކާމިޔާބީ ފަހަގަކޮށް ހޫނު މަރުޙަބާއެއް ގުރައިދޫ ކައުންސިލާ ގުރައިދޫ ސްކޫލާ ގުޅިގެންވަނީ ކިޔާފައެވެ. މި މުބާރާތް ފެށުމާއި، ކިޔެވުމާއި، ނިންމުމުގެ ޖަލްސާވެސް ލައިވް އެސްއެސްޓީވީ އަދި ފޭސްބުކް އިން ލައިވްކޮށްފައިވެއެވެ.
މުބާރާތުގެ ނިންމާ އިނާމުގެ ޖަލްސާ ވަރަށް ކުލަގަދަކޮށް ބާއްވާފައިވާއިރު މި ޖަލްސާއަށް ރައްޔިތުން މަޖުލީހުގެ މެމްބަރުންނާ، އަތޮޅު ކައުންސިލްގެ މެމްބަރުން އަދި ރަށްރަށުގެ ކައުންސިލަރުން ވަޑައިގަންނަވާފައިވެއެވެ. މި ޖަލްސާގެ ޝަރަފްވެރި މެހެމާނަކީ ލޯކަލް ގަވަރމަންޓް އޮތޯރިޓީގެ ސީއީއޯ އަލްފާޟިލް މުޙައްމަދު ނިމާލްއެވެ.
މި މުބާރާތަށް ފާފުށިން ދަރިވަރުންނާ މެހެމާނުންނަށް ފުރިހަމަ މެހެމާންދާރީއެއް އަދާކޮށް ކާމިޔާބު މުބާރާތެއް ވާއްވާފައިވާތީ މިކައުންސިލްގެ ފަރާތުން ކ. މާފުށީ ކައުންސިލާ ރައްޔިތުން އަދި ވިޔަފާރިވެރިންނަށް ޝުކުރު އަދާކޮށްލަމެވެ.
