ޤައުމީ ދުވަސް ފާހަގަކުރުން 1446-2024 (04 ސެޕްޓެމްބަރ 2024)

2024-09-24

1446 ވަނަ އަހަރުގެ ޤައުމީ ދުވަސް ފާހަގަކުރުމަށް ބޭއްވުނު ދިދަ ނެގުމުގެ ރަސްމިއްޔާތު 04 ސެޕްޓެމްބަރ 2024 ވީ ބުދަދުވަހުގެ 6:00 ގައި މި ކައުންސިލް އިދާރާގައި ކުރިޔަށް ގެންދެވުނެވެ.

މިފަހަރުގެ ޤައުމީ ދުވަހުގެ ދިދަ ނަންގަވާ ދެއްވާ ޝަރަފްކޮށްދެއްވީ ރަށުގެ ދުވަސްވީ ބޭކަލެއްގައިވާ އަލްފާޟިލް އިސްމާޢީލް ނަސީމް (އިސްމާލްފުތު) އެވެ. މި ރަސްމިއްޔާތުގައި ކައުންސިލްގެ ރައީސް ޙުސައިން ޔާމީން މުޙައްމަދާ ނައިބުރައީސް އިބްރާހިމް ޝަލީޒް އާއިމެމްބަރ ފާޠިމަތު ޒިރުފާގެ އިތުރުން އެސްޖީއާއި އިދާރާގެ މުވައްޒަފުންނާ ގުރައިދޫގެ މުޢައްސަސާތަކުގެ އިސްވެރިންނާ ސްކޫލްގެ ދަރިވަރުން ބައިވެރިވެލައްވާފައިވެއެވެ.

ދިދަ ނެގުމަށްފަހު ޤައުމީ ސަލާމް ކިޔުން އޮތެވެ. އަދި އެއަށްފަހު ދުވަހާ ގުޅޭގޮތުން ސްކޫލްގެ ދަރިވަރު އަލްދާން ވާހަކަ ދައްކާފައިވެއެވެ. އަދި މިއަށްފަހު ނިމިދިޔަ އަލްޙާޢީދާ ގުޅުވައިގެން ރަށުތެރެ ޒީނަތްތެރިކުރުމަށް ބޭއްވި މުބާރާތުން ވަނަ ވަނަ އަށް ހޮވުނު ސަރަޙައްދުތަކަށް އިނާމުދިނުން ކުރިޔަށް ގެންދެވުނެވެ. އިނާމުތައް ޙާވާލްކޮށްދެއްވީ ކައުންސިލްގެ ރައީސް ޙުސައިން ޔާމީން މުޙައްމަދެވެ. ރަސްމިއްޔާތަށްފަހު އެންމެހާ ބައިވެރިންނަށް ސައިފޮދެއް ތައްޔާރުކުރެވިފައިވެއެވެ.