ކ. ގުރައިދޫގައި ޕެޓްރޯލް ޝެޑެއް ޤާއިމް ކުރުމަށް ބަޔަކާ ޙަވާލްކުރުން (15 އޮކްޓޯބަރ 2023 އާދިއްތަ)
2023-10-15
ކ. ގުރައިދޫގައި ޕެޓްރޯލް ޝެޑެއް ޤާއިމްކޮށް ހިންގުމަށްޓަކައި ފިއުލް އެކްސްޕްރެސް މޯލްޑިވްސް ޕްރައިވެޓް ލިމިޓެޑާއި، ކ. ގުރައިދޫ ކައުންސިލް އިދާރާ އާއި ދެމެދު މިއަދު އެގްރީމެންޓެއްގައި ސޮއިކުރެވި ބިން ޙަވާލް ކުރެވިފައިވެއެވެ. މި ޕެޓްރޯލް ޝެޑް ޤާއިމް ވެގެން ދާއިރު ޕެޓްރޯލްގެ އިތުރުން ޑީސަލްވެސް ލިބެން ހުންނާނެއެވެ. އަދި މީގެ އިތުރުން އެތަނުގައި ކުޑަ ރީޓެއިލް ފިހާރައެއް ވެސް ހުންނާނެއެވެ.
ފިއުލް އެކްސްޕްރެސްގެ ފަރާތުން މި އެއްބަސްވުމުގައި ސޮއިކޮށްފައިވަނީ އެ ކުންފުނީގެ ޑިރެކްޓަރ އަމްޖަދު އިސްމާޢީލް އެވެ. އަދި މިކައުންސިލުން ސޮއިކޮށްފައިވަނީ ކައުންސިލްގެ އެސްޖީ މުޙައްމަދު ފަވާޒް އެވެ. މި ޝެޑް ޤާއިމް ކުރުމަށް ދޫކުރެވޭ ބިމުގެ ބޮޑުމިނަކީ 2768.01 އަކަފޫޓެވެ.