ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާއެކު ބޭއްވުނު ބައްދަލްވުން (21 ނޮވެމްބަރ 2023)
2023-11-27
2023 ނޮވެމްބަރ 17 ގައި ހުވާކުރެއްވި ދިވެހިރާއްޖޭގެ އިއްޒަތްތެރި ރައީސުލްޖުމްހޫރިއްޔާ ޑރ. މުހައްމަދު މުއިއްޒު އަލަށް އުފެއްދެވި މިނިސްޓަރ އޮފް ސިޓީސް، ލޯކަލް
ގަވަރންމަންޓް އެންޑް ޕަބްލިކްވާރކްސްއަށް އައްޔަންކުރެއްވި އާދަމް ޝަރީފް އާއެކު 21 ނޮވެމްބަރ
2023 ވީ އަންގާރަ ދުވަހުގެ 10:00 ގައި ސްޓެލްކޯގެ ބިލްޑިންގ ގައި އެވުޒާރާއަށް
ޚާއްޞަ ކުރައްވާފައިވާ އޮފީހުގައި ބައްދަލުވުމެއް ކުރިޔަށް ގެންދެވުނެވެ.
މި ބައްދަލްކުރެއްވުމުގައި މިނިސްޓަރ އާދަމް ޝަރީފް ގެ
އިތުރުން އެމިނިސްޓްރީގެ އިސްބޭފުޅުން ބައިވެރިވެލެއްވިއެވެ. އަދި ކައުންސިލްގެ
ފަރާތުން ބައިވެރިވެލެއްވީ ކައުންސިލްގެ ރައީސް ޙުސައިން ޔާމީން މުޙައްމަދާއި،
ނައިބު އިބްރާހިމް ޝަލީޒް އާއި، އެސްޖީ މުޙައްމަދު ފަވާޒް އާއި، އ.ކައުންސިލް
އެގްޒެކްޓިވް ޙުސައިން ޞަބާޙް އެވެ.
މި ބައްދަލް ކުރެއްވުމުގައި ކައުންސިލްގެ ރައީސް ޙުސައިން
ޔާމީން މުޙައްމަދު މިނިސްޓަރަށް ވަރަށް ހޫނު މަރުޙަބާއެއް ވިދާޅުވިއެވެ. އަދި
އެއަށްފަހު ލާމަރުކަޒީ ޤާނޫނާ ޤަވާއިދުން އެލްޖީއާއި ސަރުކާރުގެ އިދާރާތަކާ ކައުންސިލްތަކާ ދެމެދު ދިމާވެފައިވާ ހުރަސްތަކާއި ދިމާވަމުންދާ، ދަތިތައް ހިއްސާކުރެއްވިއެވެ.